因為太肚餓，諗都無諗就選擇左個二人餐再加上章魚燒雞蛋仔。
章魚燒雞蛋仔 $30
雞蛋仔用上章魚燒嘅味道，每一粒雞蛋仔裏面都有一粒章魚，好有新意，味道唔錯。
$188 二人餐有咁多野食！
南瓜忌廉湯
好重南瓜味，仲會見到啲南瓜蓉，好creamy，細細碗，唔錯。
三文魚凱撒沙律
二人餐牌上面嘅凱撒沙律，可以選擇炸雞或者三文魚，當然三文魚嘅性價比比較高啦！佢哋好窩心咁樣將啲將d醬埋沙律分開，咁樣我就可以小醬減肥啦。
沙律菜新鮮爽口，有齊晒渣麵包、炸煙肉同埋芝士，作為前菜來講，份量都唔細。
牛肝菌忌廉汁意大利粉
當初以為呢個係白汁意粉，但係最後見到就啡啡你食，原來用咗牛肝菌嘅汁！熱辣辣出晒煙咁上枱，意粉有勁重嘅菇味，好多汁，意粉有咬，份量驚人！
10"娘惹咖喱雞薄餅
不知道什麼是娘惹，只係知道好惹味。薄餅用想薄批，好脆嘅批底，咖喱雞切到好細粒，好易入口，咖喱嘅辣度雖然唔係好重，但食完之後個口仲有二熱熱嘅感覺，份量同樣驚人，我哋兩個人每人食咗一件之後就要打包啦！
時日甜品
分別係特濃朱古力蛋糕同埋青檸熱情果慕絲蛋糕，靚靚的蛋糕，實在太飽，打包返屋企！
$200幾有咁既食物質素同埋仲要係商場，真係超值！
沒有留言:
張貼留言